tulwI' Hol ghojlI' bangwI'!

tlhIngan Hol Dayajchugh, tulwI' Hol DaSovbej je. HolvetlhvaD «'eSperanto Hol» vIponglaH je. tlhIngan Hol rur, 'ach tlhIngan Hol rurbe'. Hol 'oghlu'ta'bogh 'oH tulwI' Hol'e' 'ej tera'Daq lujatlhlaH wa' 'uy' nuv... pagh 'op bIp. Sovlu'chu'be'. tulwI' Hol vIjatlhlaHchu' jIH 'ej pIj 'InternetDaq vIlo'. wa'maH chorgh ben Holvetlh vIghojchoHpu' 'ej nom jIpo'choH. Hoch DIS qaStaHvIS tulwI' Hol qep jIjeS 'ech nughvam vIparHa'qu'. vInDa' jIH 'e' vIparHa'qu'. 'op ben parmaqqay vIghajpu', ya'na 'oH pongDaj'e' 'ej raSya'ngan ghaH. vIraSDaq wIqIHpu' 'ej ghIq qaStaHvIS vagh DIS bangpu' maH. Hoch jaj tulwI' Hol neH wIjatlh! DaH latlh bangwI' vIghaj, ghaHvaD «SanDIyHom» vIpong, 'ej DoyIchlan Hol wIjatlh... 'ach loQ tulwI' Hol ghojtaH!

loS Hu' juHDajDaq matay'taHvIS qech wIqaSmoH: qaStaHvIS jaj Hoch, ghaHvaD tulwI' Hol neH vIjatlh. DoyIchlan Hol vIlo'be' 'ej DIvI' Hol vIlo'be' je. loQ pab Sov SanDIyHom 'ej 'op mu'mey Sovbej. DoyIchlan Hol, DIvI' Hol, vIraS Hol Sovmo', tulwI' Hol mu'mey law' ghovlaH. 'ej jajvetlh mujangmeH tulwI' Hol lo' 'e' nID. 'ej Qapbej! pIj pab bIv, 'a tlhoS reH vIyajlaH. maQumlaHbej! Dun! jIQuchqu'! chaq 'opleS nItebHa' tulwI' Hol qep wISuchlaH.

 

tlhIngan Hol DelmeH tulwI' Hol lo' navvam