tagha'! jItlhabchoH! wejHu' QulmeH ghItlh'a'wIj vIqon rIntaH!
wej Hogh vorgh jIqon neH. latlh vIta'be'. juHwIjDaq jIba' 'ej jIqon, jIlaD, wa'chaw' vIvu', tangqa' Doq law'qu' vItlhutlh. ngugh jupwI'pu' vIrI'Qo', vavwI' SoSwI' je vISuchQo'. Hoch jaj pItSa' chab, paSta', yuch, chabHom neH vISop. poH Qatlh 'oH...
wa' Hogh ret Ha'le vIjaH, bangwI' qoS wIlopmeH bangwI', be'nI'Daj, jIH je. loy'qu' be'nI' 'ej jaj tlhaq wIqaSmoH. Dayen 'oH pongDaj'e'. ghIq bangwI' juHDaq jIqonqa' 'ej Hoch jaj matay'taHvIS jIqon, jIqon, jIqon. muboQ bangwI', ghaHvaD 'ay'mey vIlaDmo'. 'ej jIHvaD Soj vutta'. vuyqu'! wa' ram wa' 'ay' vIqontaHvIS jItulHa'choHmo' tlhoS jISaQchoH, 'ej muyevmoH bangwI', jatlh: «DaH HurDaq mayItjaj! ghIq 'ay'vetlh DaDublaH.» 'ej lugh!
tagha' wejHu' cha' 'a'ghenpu'wI'vaD ghItlh'a'wIj vIlab. DaH nom lulaDnIS bIqel 'a'ghen yenIy 'a'ghen je 'ej lu'olnIS. ghIq lulaDchu'nIS bIqel 'a'ghen bISang 'a'ghen je 'ej luchovnIS. vaj Soch waQ ghItlh'a'wIj vIHublaH... 'ej jIDo'qu'chugh, Holtej po' vImoj. ghIq DuSaQ'a' Qoyje' wejDIch vIHev, vaj «po'wI'» jIpong'eghlaH'a'?
nuq DaHech? DaH ‘a’ghen SoH’a’.
ReplyDeletewej 'a'ghen jIHbe'. DaH jIloSnIS neH, 'ach jar vagh vIyo'lu'DI' jIQapchu'chugh, vaj «Doctor» (PhD) vImoj. ngugh Holtej po' jIHchoH net jatlhlaHlaw'.
Delete